In der Bütt

Modell: "WEDELÄRSCHLE"

Schwäbische "Tüftlerei" geht weiter:   Fasnacht 2025

"Goißle" (G) und "Schweinle" (S)

G: He, Schweinle, hoscht Du au scho so a Fahrrad wie i ? - I`wedle grad von Überkenga noch Wiesaschdoig !

S: Noi, aber i `schaff mir au no OIS a`!

G: Des "Wedla" mit am Ärschle isch aber auf dem Sattl oifacher wie mit so ma gringelta Schwenzle ! Do, bleibschd ja emmr henga !!!

S: Des macht nix, wenn i`henga bleib. No fall i scho net ronder ! Weil, i´muas no weiter fahra wie du ! Ja, a langa Strecke - vom Filstal noch Berlin. Muaß do meine Krois dreha. Im Planarsaal. Erschdens isch kaum Oiner do, de Meischde schlofat oder senn gar net bei dr`Sach. Ond wenn i`meine Ronda dreh. kennat se hendr her laufa - denn des machat se ja s`ganze Johr.

G: I`glaub, do fahr i`dann vielleicht au mit ! Zu den Plenarsaalfreunden , i`glaub Politiker hoissat dia, dene schenka mir dann a ganza Pallette Fahrräder der Marke: "Wedel-Ärschle", dann radlat und wedlat se weiterhin Rückwärts in die Zukunft !

"Rückwärts in die Zukunft"  (RIDZ - Die neue Partei in Deutschland)

S: Nur, mit ihram Wedelärschle liegat se mehr auf dr Stroß, als sitzend auf am Fahrrad. Für 100 m fahra braucht Oinr 200 m zom aufstanda ! Ond wenn a`Schneck von henda kommt, isch die oft schneller !

G: Bei ons em Goißatäle tauscht mr scho die Stroßaschilder wega verschiedene Anläß` aus. A`paar neie Schilder hann i`scho g`seha: "VORSICHT Tieffliegender Radler" - "ACHTUNG Radler holt hinten aus" - "VORSICHT Verletzte auf der Fahrbahn" - "WILDWECHSEL Radler kann nicht bremsen" -  "Kippgefahr am Straßenrand" - "Hier Nottelefon für Bergedienst" - "STRASSENSPERRUNG wegen "RECHTS vor GRÜN" (Alle kommat mit "WEDELÄRSCHLE")

S: Es got oifach net emmr vorwärts en onserm Land - manchmol isch es bess`r -  mr fährt au mol rückwärts............. mit "WEDELÄRSCHLE" - ,

oder fällt au mol in an Sautrog oder en d` "Scheiße" nei !

Kommat oifach mol bei mir vorbei !

Goißle und Schweinle :

Mir Zwoi "Radlat" ond "Wedlat" jetzt enn Deutschland rom,

schwungvoll und schnell - ons wirds ganz domm !

Ond solltat ons mol Oine seha  -

Hoffentlich könnt Ihr no aus d`r Gefahrazone geha !

!!! NEU - seit 2023 !!!

1. FCW "WEDELÄRSCHLE"

Ein Fahrradclub der SUPERLATIVE

 Am Faschingssonntag 2025:

Nächstes Fahrertraining für Tälesbürgermeischdr und Mitglieder der "Ampel"- Regierung  ab 23.11 Uhr

(Bitte Nachtsichtbrille mit viel Durchblick und gute Laune mitbringen)

Anreise: Nur mit Umweltfreundlichem "WEDELÄRSCHLE"